టీమ్ ఇండియా 2023 షెడ్యూల్: 30 రోజుల్లో 12 మ్యాచ్‌లు

కొత్త ఏడాదిని ప్రారంభించేందుకు టీమ్ ఇండియా సిద్ధమైంది. జనవరి 3 నుంచి భారత్-శ్రీలంక మధ్య టీ20 సిరీస్ ప్రారంభం కానుంది. ఆ తర్వాత భారత జట్టు మూడు వన్డేల సిరీస్ ఆడనుంది. హార్దిక్ పాండ్యా కెప్టెన్‌గా కొత్త సంవత్సరం 2023ని ప్రారంభించనున్నాడు. భారత్-శ్రీలంక (IND vs SL) మధ్య 3 మ్యాచ్‌ల T20 సిరీస్ జనవరి 3 నుండి ప్రారంభమవుతుంది. ఈ సిరీస్‌కు హార్దిక్ పాండ్యాకు కెప్టెన్సీ బాధ్యతలు అప్పగించారు. ఆ తర్వాత ఇరు జట్ల మధ్య మూడు వన్డేల సిరీస్ కూడా జరగనుంది. దీని తర్వాత, భారత జట్టు స్వదేశంలో న్యూజిలాండ్‌తో (IND vs NZ) T20 మరియు ODI సిరీస్‌లను ఆడుతుంది. దీని ద్వారా 30 రోజుల్లో మొత్తం 12 అంతర్జాతీయ మ్యాచ్‌లు ఆడాల్సి ఉంది.

శ్రీలంకతో వన్డే సిరీస్‌కు రోహిత్ శర్మ కెప్టెన్సీ బాధ్యతలు చేపట్టనున్నాడు. అదే సమయంలో రోహిత్, విరాట్ కోహ్లి వంటి సీనియర్ ఆటగాళ్లకు టీ20 సిరీస్ నుంచి విశ్రాంతి ఇచ్చారు. ఇక న్యూజిలాండ్ ఈ సిరీస్‌కు జట్టును ఇంకా ప్రకటించలేదు. కొత్త సెలక్షన్ కమిటీ ఈ సిరీస్‌కు జట్టును ప్రకటించనుంది.

భారత్-శ్రీలంక సిరీస్:

జనవరి 3న ముంబైలోని వాంఖడే స్టేడియంలో శ్రీలంకతో తొలి టీ20 మ్యాచ్‌లో టీమిండియా తలపడనుంది. రెండో టీ20 జనవరి 5న పుణెలో, చివరి టీ20 జనవరి 7న రాజ్‌కోట్‌లో జరగనుంది. ఆ తర్వాత భారత్-శ్రీలంక మధ్య మూడు వన్డేల సిరీస్ జరగనుంది. జనవరి 10న గౌహతిలో తొలి వన్డే జరగనుంది. రెండో వన్డే జనవరి 12న కోల్‌కతాలో, చివరిదైన మూడో వన్డే జనవరి 15న తిరువనంతపురంలో జరగనుంది.

భారత్-న్యూజిలాండ్ సిరీస్:

జనవరి 18 నుంచి భారత్, న్యూజిలాండ్ మధ్య సిరీస్ ప్రారంభం కానుంది. ముందుగా ఇరు దేశాల మధ్య మూడు వన్డేల సిరీస్ జరగనుంది. జనవరి 18న హైదరాబాద్‌లో తొలి మ్యాచ్‌ జరగనుంది. రెండో వన్డే రాయ్‌పూర్‌లో జనవరి 21న, చివరిదైన మూడో వన్డే జనవరి 24న ఇండోర్‌లో జరగనుంది. టీ20 సిరీస్‌లో తొలి మ్యాచ్‌ జనవరి 27న రాంచీలో జరగనుంది. రెండో మ్యాచ్ జనవరి 29న లక్నోలో, చివరి మ్యాచ్ ఫిబ్రవరి 1న అహ్మదాబాద్‌లో జరగనుంది.దీని తర్వాత ఫిబ్రవరి 9 నుంచి ఆస్ట్రేలియాతో భారత్ 4 మ్యాచ్‌ల టెస్టు సిరీస్‌ను ప్రారంభించనుంది.

శ్రీలంక సిరీస్‌కు భారత జట్టు:

టీ20 జట్టు: హార్దిక్ పాండ్యా (కెప్టెన్), సూర్యకుమార్ యాదవ్ (వైస్ కెప్టెన్), ఇషాన్ కిషన్, శుభ్‌మన్ గిల్, దీపక్ హుడా, రీతురాజ్ గైక్వాడ్, రాహుల్ త్రిపాఠి, యుజ్వేంద్ర చాహల్, అక్షర్ పటేల్, సంజు శాంసన్, వాషింగ్టన్ సుందర్, అర్ష్‌దీప్ సింగ్, శివమ్ మావి, ఉమ్రాన్ మాలిక్, ముఖేష్ కుమార్, హర్షల్ పటేల్.

వన్డే జట్టు: రోహిత్ శర్మ (కెప్టెన్), హార్దిక్ పాండ్యా (వైస్ కెప్టెన్), శ్రేయాస్ అయ్యర్, కేఎల్ రాహుల్, శుభ్‌మన్ గిల్, విరాట్ కోహ్లీ, సూర్యకుమార్ యాదవ్, ఇషాన్ కిషన్, వాషింగ్టన్ సుందర్, యుజ్వేంద్ర చాహల్, కుల్దీప్ యాదవ్, అక్షర్ పటేల్, మహ్మద్ షమీ మహ్మద్ షమీ అర్ష్‌దీప్ సింగ్, మహ్మద్ సిరాజ్, ఉమ్రాన్ మాలిక్.